URUBANZA RWA INGABIRE RWASUBUKUWE

Wednesday; 07^th September 2011.

Urubanza Ingabire Victoire aregwamo na bagenzi be.

MU itangira ry’urubanza uruhande rw’ababuranira Ingabire Victoire, bavuze ko babangamiwe n’inzego z’umutekano zisaka ibyo bari bafite ndetse babuzwa kwinjirana amazi. Me gatera gashabana akaba yavuze ko ibi bibangamiye akazi kabo.

Ubushinjacyaha buvuga ko gusakwa nta tegeko ryishwe kandi bikorwa hose no muzindi nkiko.

Ikindi ubushinjacyaha buvuga ko bwo budakwiye gusakwa kuko buva ahantu hizewe mu gihe abavoka bakwiye gufatwa nk’abandi kuko bunganiye abantu bakekwaho ibyaha.

Nyuma yo kwiherera, Urukiko rwavuze ko isakwa ryakorewe abunganira Ingabire Victoire byakozwe kumpamvu z’umutekano w’urukiko.

Ikindi ni uko amazi azajya atangwa n’urukiko agahabwa ababuranyi bose.

Iki cyemezo cy’urukiko nticyashimishije ubwunganizi buhita bukijuririra.

Urubanza rwakomeje ubushinjacyaha bugaragaza ibirego kubantu 3 aribo Lt Col. Nditurende Tharcisse, Lt. Col Habiyaremye Noel na Capt Karuta JMV, aba bahoze muri FDLR ngo bakoranye na Paul Rusesabagina mu gushinga umutwe w’ingabo wa PDR-ihumure, igikorwa cyaje kuburizwa.

urubanza rurakomeje.

Aba basirikare kandi ngo baba baragiranye amasezerano na FDU-inkingi ya Ingabire Victoire kugira ngo bashyireho umutwe w’ingabo ushingiye ku ishyaka rya FDU-inkingi

Ubushinjacyaha buvuga ko imishyikirano y’aba basirikare na Ingabire yabanje gukorwa binyujijwe kuri za e-mail nyuma azaguhura na Col. Nditurende Tharcisse I Kinshasa.