Perezida Kagame yakoze Impinduka mu butabera no mu Itangazamakuru

Martin Ngoga nta kiri ku mwanya w’Umushinjacyaha mukuru w’u Rwanda; umwanya yari amazeho imyaka irenga 7 hamwe n’uwari umwungirije Hitiyaremye Alphonse we wagizwe umucamanza mu Rukiko rw’Ikirenga.

 

Martin Ngoga yasimbuwe n’uwari Umushinjacyaha ufite ububasha mu gihugu Muhumuza Richard.

 

Impinduka zikomeye zashyizwe ahagaragara nyuma y’Inama y’Abaministri yabaye kuwa 11 Nzeri 2013.

 

Inama y’Abaminisitiri yashyizeho abacamanza batatu mu Rukiko rw’Ikirenga aribo  Gakwaya Gatete Benoit, Gakwaya Justin  na  Hitiyaremye Alphonse.

 

Kaliwabo Charles wari Umugenzuzi w’Inkiko akaba n’Umuvugizi yagizwe Perezida w’Urukiko Rukuru.

 

Abashyizwe mu myanya bose bazabanza kwemezwa na Sena y’u Rwanda.

 

 

Peacemaker Mbungiramihigo niwe wagizwe  Umunyamabanga Nshingwabikorwa w’Inama Nkuru y’Itangazamakuru asimbura Mugisha Emmanuel wari ufite uwo mwanya mu buryo bw’agateganyo kuva taliki ya 06 Mutarama 2012.

 

Mugisha Emmanuel yari yasimbuye Patrice Mulama wirukanywe kuri uwo mwanya.

 

Alphonse Nkusi usanzwe akora mu Kigo cy’igihugu gishinzwe imiyoborere (RGB) yagizWe Perezida w’inama y’ubuyobozi  yungirijwe na Mugeni Anita,  Kabatesi Olive, Apollo Munanura, Collin Haba, Ntirenganya Emma Claudine na Ndahiro Innocent.

 

More details: http://www.izuba-rirashe.com/m-2610-.html